కోడిగుడ్డు ములక్కాడ

తయారి సమయం: 30 నిమిషాలు
కావలసినవి
కోడిగుడ్డులు -6 (ఉడకవెట్టి ఒలిచి నిలువుగా గాట్లు పెట్టుకోవాలి)
ములక్కాడ-1(ముక్కలు చేసి పెట్టుకోవాలి)
ఉల్లిగడ్డలు-2
టొమాటో- పెద్దది 1
కారం-1 టీ స్పూన్
ఉప్పు- తగినంత
పసుపు- చిటికెడు
ధనియాల పొడి- అర టీ స్పూన్
నూనె- అర టేబులు స్పూన్
కొత్తిమిర - గారనిష్ సరిపడా
పోపు కోసం:
ఆవాలు- అర టీ స్పూన్
ఎండుమిర్చి- ఒకటి
వెల్లులి రెబ్బలు- 4-5
కరివేపాకు- 5 రెబ్బలు
తయారి
1. పాత్ర వేడెక్కాక కాసింత నూనె వేసి ఉడకపెట్టిన గుడ్లని,పసుపును కూడా జత చేసి కలియభెట్టి రెండు నిమిషాలపాటు రోస్ట్ చేశాక తీసి పక్కన పెట్టుకోవాలి.
2. అదే పాత్రలో,ములక్కాడ ముక్కలిని వేసి ఒక్క నిమిషం పాటు వేయించి వీటిని కూడా పక్కనపెట్టుకోవాలి.
3. మిగతా నూనెని వేసి ఆవాలని వేసి చిటపటలాడించి ఎండుమిర్చి,వెల్లులి రెబ్బలు,కరివేపాకుతో పోపు పెట్టుకోవాలి.
4. పోపులో ఉల్లిపాయ ముక్కలిని జత చేసి లేత బ్రౌన్ కలర్ వచ్చేదాక వేపుకుని,ఉప్పు,కారం,ధనియాలపొడిని వేసి కలియబెట్టాఅలి.
5. ఇప్పుడు తరిగిపెట్టుకున్న టొమాటో ముక్కలిని,ములక్కాడ ముక్కలిని వేసి కలియబెట్టి మరో 3 నిమిషాలపాటు వేగనివ్వాలి.
6. రోస్ట్ చేసుకున్న గుడ్లని కూడా వేసి కలియబెట్టాఅలి సన్నని మంట పై 2 నిమిషాలు వేగనివ్వాలి.
7. 2 కప్పుల నీళ్ళు పోసి మంటని పెద్దది చేసి గ్రేవీ చిక్కబడేవరకు ఉడకనివ్వాలి.(15 నిమిషాల వరకు)
8. కొత్తిమీర తో గార్నిష్ చేసుకొవాలి.